اطباقي| وصفة محشي الكرنب المصري على طريقة Neven Mansour

وصفة محشي الكرنب المصري على طريقة Neven Mansour - العربي: 1. في حلة على النار حطي المية و اما تغلي ضيفي الكمون و افركي النعناع الجاف.,2. جهزي الكرنبة هتجيبي ا

من تراث المطبخ المصري
اطباقي
30
20
اطباق رئيسية
العربي

وصفة محشي الكرنب المصري

طريقة التحضير
  1. 1. في حلة على النار حطي المية و اما تغلي ضيفي الكمون و افركي النعناع الجاف.
  2. 2. جهزي الكرنبة هتجيبي السكينة و تبتدي تفصلي عروق كل ورقة من فوق و تفككي الورقة بهدوء عن باقي الكرنبة.
  3. 3. هتنزلي كل 4 ورقات كرنب في المية اللي بتغلي و تسيبيها بالظبط دقيقتين فقط و ترفعيها في مصفاة.
  4. 4. هتكرري نفس الطريقة مع بقية الورق لحد ما تخلصي سلق الكرنبة كلها و سيبيها تبرد على جنب, نبتدي نجهز الحشو.
  5. 5. هنفرم البصلة و نشوحها في زيت مع كل التوابل لحد ما يبقى لونها شفاف و اما انك تنزلي عليها بعصير الطماطم يتسبك معاها او تشيليها من على النار و تضيفي العصير عليها بعيد عن النار.
  6. 6. قلبي الخليط مع الرز كويس و نزلي النعناع الجاف عليها بعد ما تفركيه ناعم.
  7. 7. و اخيرا ضيفي الخضرة المفرومة ناعم و كدة خلاص الحشو جاهز.
  8. 8. نرجع للكرنب اللي بردناه هنمسك كل ورقة نفردها على لوح التقطيع و نشيل بالسكينة الجزء الناشف اللي في النصف و نقسم الورقة شرائط على حسب رغبتنا في حجم المحشي.
  9. 9. خلاص قسمنا الورق نبتدي ناخد من الخشو في اول طرف الورقة و نسيب جزء فاضي على الجانبين و نلف الورقة باحكام.
  10. 10. نجهز الحلة هنبطنها من تحت بشرائح طماطم سميكة و نرص اصابع المحشي جنب بعضها لحد ما نخلص كل الكمية.
  11. 11. نجهز شوربة لحم او فراخ المتوفر نغليها و ننزل بيها على المحشي بحيث توصل لاخر طبقة فوق بس مش تغطيها.
  12. 12. نحضر طبق مسطح و نقلبه على المحشي جوة الحلة عشان مع الغليان الاوراق مش تتفك و تخرج الارز.
  13. 13. نولع النار عليه و اول ما يغلي نهدي النار اوي و نسيبه نص ساعة لحد ما يستوي و نطفي النار و نسيبه 10 دقايق و نقلبه في طبق التقديم و الف الف هنا يارب.
  14. وصحتين وعافية

التعليقات (1)

    الإثنين ١٩ / سبتمبر / ٢٠١٦
  • Mary Maryam Ahmed الإثنين ١٩ / سبتمبر / ٢٠١٦

    جميل جداا😊😊

هل ترغب بالتعليق


ابقى على علم بأحدث وصفات ونصائح اطباقي !