وصفة برياني دجاج

56bb38a46d1a0.jpg

طريقة التحضير

  • ١ 1. في الجدر نضع بهارات الحب نحمسهم مع شوي زيت وشوي زبده وبعدها نضيف البصل ونحمسه لحد مايتكرمل ونضيف الثوم والزنجبيل ونحمسهم وبعدها نضيف الدجاج ونحمسه لحد مايستوي شوي وبعدها نضيف الكزبره المفرومه ونحمسهم وبعدين نضيف البهارات المطحونه وبعدها نضيف الطماطم المخلوط ونضيف حليب جوز الهند والروب والاجار وشوفو مستوى الملوحه وضيفو ملح على حسب رغبتكم ونترك المرقة لمدة ربع ساعه وبعدها نقصر عالنار ونخليه يطبخ على نار هاديه نص ساعه او الى ان يستوي الدجاج.
  • ٢ 2. نفوح الرز بماء مغلي وملح وبعدها نشخله ونصب فوقه الصبغه.
  • ٣ 3. بالجدر نضع قطع زبده وفوقه نص كمية الرز وفوقه الدجاج وفوقه باقي الرز وفوقهم نحط قطع زبده ونتركه ربع ساعه على نار هادئه وبعدها نقلبه بالصينيه.
  • ٤ 4. نقطع بصله شرائح ونضيف لها ملعقة صغيره طحين ورشة ملح ونقليها في زيت عميق ونتركه للتزيين ونقدر نحمس لوز وكاجو بعد للتزيين.
  • الصعوبه سهلة
  • وقت التحضير ٢٠ دقيقة
  • تكفي ل ٨

المكونات

  • •5 جيلات رز مغسلينهم ومنقعينهم بماء دافئ وخل لمدة ساعه او اكثر عادي
  • • 8 صدور دجاج مقطعين مكعبات ومتبلينهم بخل وملح وفلفل اسود وروب وكركم ونتركهم ساعتين
  • • 4 بصل مقطعين صغار
  • • 1 حبة ثوم كامله مدقوقه
  • • زنجبيل مدقوق
  • • شدة كزبره مفرومه
  • • بهارات حب (دارسين+ورق غار+مسمار+هيل+فلفل اسود حب)
  • • بهارات مطحونه (كركم+كمون+كاري+مسالا+ملح+فلفل اسود)
  • • 3 ملعقة طعام اجار مشكل
  • • كوب حليب جوز الهند
  • • 6 طماطم مفرومه في الخلاط
  • • معجون طمام واحد
  • • علبة روب
  • • صبغة زعفران مع شوي زعفران نحطهم بماي دافي

التعليقات

ضع تعليقك هنا...

التعليقات

العوده الى الاعلى