وصفة قراص سبانخ ع الطريقة الفلسطينية القديمة

589889a9cc475.jpeg

طريقة التحضير

  • ١ نعجن مقدار من دقيق القمح ومقدار من الدقيق الابيض وزيت زيتون ورشة ملح وماء دافي
  • ٢ وبعد ما نعجنهم بنتركهم يرتاحوا لمدة 30 دقيقة
  • ٣ بنفرم السبانخ وبنغسله منيح وبنفركه بالملح وبنحطه بمصفاية وبنغسله تحت الحنفية وبتركه يتصفى
  • ٤ بنفرم راسين بصل او اكثر حسب عدد الافراد
  • ٥ نقلب البصل بزيت الزيتون واضفتله السبانخ ورشة ملح وعصرة ليمون ومعلقة سماق ومعلقتين فلفل شطة وخلطتهم منيح
  • ٦ قطعت العجين الى كرات متوسطة و رقيتهم بمرقة العجين لحتى صارت العجينة شفافة
  • ٧ دهنتها زيت و ثنيت طرفي العجينة للوسط و حطيت معلقتين من حشوة السبانخ و رديت الاطراف التانية فوق بعض متل المطبق لحتى يصير عنا مربع وبنصفهم في صينية مدهونة بزيت زيتون
  • ٨ طريقة الخبيز : رح نشعل الفرن من تحت ونحميه 30 دقيقة
  • ٩ بنحط صينية القراص وبس يحمروا من تحت بنطلع الصينية من الفرن وبنقلبهم وبنرجعهم وبس يحمروا بنطلعهم و ما بنستعمل الشواية ابدا
  • الصعوبه متوسطة
  • وقت التحضير ساعة
  • تكفي ل ٨

المكونات

  • 1 كوب دقيق ابيض
  • 1 كوب دقيق قمح
  • 1 معلقة صغيرة ملح
  • زيت زيتون
  • 1 كيلو سبانخ
  • 1 ملعقة كبيرة سماق
  • عصير ليمونة

التعليقات

ضع تعليقك هنا...

التعليقات

العوده الى الاعلى