إعجاب تعليق مشاركه إضافة إلى كتب الطبخ
مقلوبة طبخة اردنية اصيله وطيبة واحلى طبخة انا بحس حالي بستمتع وانا بطبخ فيها
طريقة التحضير
- 1. اولا نغسل قطع الدجاج كويس و نحطها بالطنجرة و نغمرها بالمي ثم نتبلها بالملح لتساعد الزفرة لتطلع اسرع.
- 2. مجرد بلشت تغلي بنشيل كل الزفرة بنحط المنكهات حب هال وعيدان قرفة وقرنفل وورق غار وحب فلفل اسود وقرن فلفل اخضرحار وبصلة مقطع قطع كبيرة.
- 3. نتركها تغلي مدة نصف ساعة حتى تستوي .
- 4. في اثناء سلق الدجاج بنحضر باقي اغراض الطبخة و بننقع الارز بماء دافي مدة 15دقيقة.
- 5. نقلي البطاطا والباذنجان والدجاج بعد سلقه وهيك حضرنا الطبخة لنطبقها بالطنجرة.
- 6. نحضر طنجرة كبيرة شوي بنقطع حبات البندورة شرائح نحطها بقاع الطنجرة وفوقها البطاطا والباذنجان والدجاج واخر شي بنصفي الارز من المي بنحطه فوق كل المكونات ونسكب فوقهم مرق الدجاج المبهرة .
- 7. بنشعل النار تحت الطنجرة حتى تبلش تغلي المرق على الرز ويطبخوا مع بعض, بنخفف النار تحتها وبتركها مدة نصف ساعة حتى تستوي .
- 8. تقدم المقلوبة مع سلطة ولبن رايب .
- ملاحظة: مقدار المرق للارز 4 كوب أرز بدهم تقريبا 6 أكواب او اقل (المي للأرز و باقي المكونات الأخرى كالباذنجان و البطاطا و اللي بتتشرب جزء من المرق و هيك بتتوزع كمية المي بين الارز و باقي المكونات).
- ان شاءالله تكون عجبتكم طريقتي
- وصحتين وعافية
❤