وصفة منسف الدجاج

575dad6b02c6e.jpeg

يعتبر المنسف أشهر وجبات بادية الشام الواقعة بين سوريا والعراق والأردن وفلسطين، ويعتبر الأردنيون والفلسطينيون الأشهر بإعداده، فهو الطبق الوطني في الأردن، وهو طبق شعبي في فلسطين فيطبخ بالأعراس. يتميز المنسف عن باقي أنواع الطبخ العربية باستخدام لبن الجميد الذي يصنع من الحليب بعد تحويله إلى لبن رائب

طريقة التحضير

  • ١ في طنجرة على الغاز بنحط شوية زيت وبنقلب فيها البصل المقطع وبنضيف البهارات الحب الفلفل والهيل وورق الغار وبنحمصهم شوي
  • ٢ بنضيف قطع الدجاج بعد تنضيفهم وغسلهم جيدا" وبنقلبهم شوي بالزيت بعدين بنضيف الماء الحار على الدجاج وكيس الماجي وبنغطيهم لحتى يستوي الدجاج
  • ٣ تحضير اللبن, في خلاط الكأس بنضيف نص باكيت جميد سائل (الكسيح) تقريبا"500 غرام وعليهم 500 غرام زبادي او لبن رائب وملعقة طعام ممسوحة نشا وبنخلطهم بالخلاط ليتجانسو
  • ٤ بعدين بنحط اللبن في طنجرة وعلى الغاز بنضل نحركو لحتى يغلي اللبن
  • ٥ في هذه الأثناء بكون الدجاج ناضج بنحمره بالفرن بالطريقة الي بنحبها او ممكن نقلي الجاج بالزيت
  • ٦ بنضيف شوي من مرق الدجاج فوق اللبن وبنتركو يغلي شوي
  • ٧ لتحضير الارز, في طنجرة على الغاز بنحط شوي زيت وبنحط الرز ورشة ملح ورشة كركم وبنحرك الرز بحذر وهدوء لحتى مايتكسر وبنضل نقلب بالرز نحس كل حبة رز تغلفت وتحمصت(5دقايق تقريبا) مشان يطلع الرز مفلفل مية مية 😄 بعدين بنضيف كاسة ونص مي حار وبنوطي تحتو وبنغطيه لحتى يستوي
  • الصعوبه متوسطة
  • وقت التحضير ٣٠ دقيقة
  • تكفي ل ٤

المكونات

  • 1 دجاجة بدون جلد مغسولة ومقطعة اربع قطع
  • هيل حب
  • ورق غار
  • حب فلفل أسود لسلق الدجاج
  • 1 حبة بصل مقطعة لسلق الدجاج
  • 1/2 1 كوب ارز قصير الحبة صنوايت
  • 1 ملعقة صغيرة كركم للأرز (إختياري)
  • 1 كيس ماجي كنور (إختياري) لسلق الدجاج
  • 1 ملعقة نشا
  • مكسرات محمصة وبقدونس للزينة
  • 1/2 باكيت جميد سائل

التعليقات

ضع تعليقك هنا...

التعليقات

العوده الى الاعلى